Karena dilarang pegang cecak oleh Bapak, dengan alasan kotor, jadi Nona tanya Mama: kenapa cecak itu sonde mandi sa supaya bersih. Tapi Mama sonde mau jawab. Karena agak hati - hati. Jadi Nona bikin kesimpulan sendiri: mungkin karena dong tahu, percuma sa dong mandi, karena akan tetap kotor? Mama iyakan saja, biar aman.
Tapi Nona sonde puas dengan itu kesimpulan. Jadi beberapa hari kemudian dia pi tanya Kakak Ois:
Nona : Kaka Ois, kenapa cecak tu sonde mandi supaya bersih?
Ois : karena dong sonde ada pung tangan. Jadi sonde bisa pegang gayung.
Nona: jadi dong ada pung apa sa?
Ois: kaki! empat kaki! jadi sonde bisa pegang gayung.
Nona : tapi kan bisa manusia yang kasi mandi. Jadi, manusia yang pegang gayung, siram air, trus kasi pake sabun cecak!
Ois: sonde ada sabun cecak!
Nona: kenapa? kenapa manusia sonde bikin sabun cecak? Makanya ko cecak kotor..ko manusia sonde mau bikin kasi sabun cecak na!
(kesimpulan: cecak kotor karena manusia sonde bikin sabun cecak, baru manusia larang dong pung anak pegang cecak. hah, dasar manusia!)
